ਭੋਗਪੁਰ,16 ਸਤੰਬਰ,ਭਾਰਤੀ ਕਮਿਊਨਿਸਟ ਪਾਰਟੀ ਮਾਰਕਸਵਾਦੀ-ਲੈਨਿਨਵਾਦੀ ਨਿਊ ਡੈਮੋਕਰੇਸੀ ਵਲੋਂ ਆਰ ਐੱਸ ਐੱਸ ਭਾਜਪਾ ਹਕੂਮਤ ਦੇ ਫਾਸ਼ੀ ਹਮਲਿਆਂ ਖਿਲਾਫ਼ 26 ਸਤੰਬਰ ਨੂੰ ਮੋਗਾ ਵਿਖੇ ਕੀਤੀ ਜਾ ਰਹੀ ਵਿਸ਼ਾਲ ਰੈਲੀ ਲਈ ਕਿਰਤੀ ਕਿਸਾਨਾਂ, ਪੇਂਡੂ ਮਜ਼ਦੂਰਾਂ ਅਤੇ ਹੋਰ ਮਿਹਨਤੀ ਲੋਕਾਂ ਨੂੰ ਲਾਮਬੰਦ ਕਰਨ ਮੰਗਲਵਾਰ ਨੂੰ ਪਿੰਡ ਮੁਰੀਦਪੁਰ ਅਤੇ ਬੂਲਾ ਵਿਖੇ ਜਾਗੋ ਕੱਢੀ ਗਈ। ਕਿਰਤੀ ਲੋਕਾਂ ਜਾਗੋ ਕੱਢ ਕੇ ਕਿਹਾ “ਰਾਜ ਭਾਗ ਦਾ ਊਤਿਆ ਆਵਾ, ਸਮਝ ਸਾਨੂੰ ਹੁਣ ਆਈ,ਸਾਵਾ ਸਮਝ ਸਾਨੂੰ ਹੁਣ ਆਈ, ਬੱਲੇ ਸਮਝ ਸਾਨੂੰ ਹੁਣ ਆਈ, ਫਾਸ਼ੀ ਹਮਲੇ ਰੋਕਣ ਦੀ ਹੁਣ ਅਸੀਂ ਵੀ ਯੁਕਤ ਬਣਾਈ, ਸ਼ਾਵਾ ਅਸੀਂ ਵੀ ਯੁਕਤ ਬਣਾਈ, ਬੱਲੇ ਅਸੀਂ ਵੀ ਯੁਕਤ ਬਣਾਈ, ਇਕੱਠੇ ਹੋ ਜਾਉ ਕਿਰਤੀ ਕਾਮੇਂ ਫਾਸ਼ੀਵਾਦ ਭਜਾਈ ਆ,ਬਈ ਹੁਣ ਜਾਗੋ ਆਈ ਆ, ਬੱਲੇ ਬਈ ਹੁਣ ਜਾਗੋ ਆ,ਸ਼ਾਵਾ ਬਈ ਹੁਣ ਜਾਗੋ ਆਈ ਆ”,,,,।ਇਸ ਮੌਕੇ ਕਾਮਰੇਡ ਕਸ਼ਮੀਰ ਸਿੰਘ ਘੁੱਗਸ਼ੋਰ ਨੇ ਕਿਹਾ ਕਿ ਮੌਜੂਦਾ ਦੌਰ ਵਿੱਚ ਹਕੂਮਤਾਂ ਵਲੋਂ ਲਾਗੂ ਕੀਤੀਆਂ ਜਾ ਰਹੀਆਂ ਨੀਤੀਆਂ ਨੇ ਮਜ਼ਦੂਰਾਂ, ਕਿਸਾਨਾਂ ਅਤੇ ਹੋਰ ਮਿਹਨਤੀ ਲੋਕਾਂ ਨੂੰ ਕੱਖੋਂ ਹੌਲੇ ਕਰਕੇ ਰੱਖ ਦਿੱਤਾ ਹੈ,ਆਮ ਲੋਕਾਂ ਦਾ ਜਿਊਣਾ ਪੂਰੀ ਤਰ੍ਹਾਂ ਦੁੱਭਰ ਹੋਇਆ ਪਿਆ ਹੈ। ਹਕੂਮਤ ਕੁੱਟ ਵੀ ਰਹੀ ਹੈ,ਰੋਣ ਵੀ ਨਹੀਂ ਦਿੰਦੀ ਅਤੇ ਵਿਰੋਧ ਪ੍ਰਗਟ ਕਰਨ ਤੋਂ ਵੀ ਲਾਠੀ ਗੋਲੀ ਦੇ ਜ਼ੋਰ ਰੋਕਿਆ ਜਾ ਰਿਹਾ ਹੈ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਜੱਦੀ ਜ਼ਿਲ੍ਹੇ ਸੰਗਰੂਰ ਵਿਖੇ ਮੋਹਨਜੀਤ ਅਤੇ ਤੂਰਵੰਜਾਰਾਂ ਦੇ ਗੁਲਜ਼ਾਰ ਖੁਦਕਸ਼ੀ ਮਾਮਲੇ ਤੋਂ ਪ੍ਰਤੱਖ ਦੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਲੋਕ ਮਨਾਂ ਚ ਦਹਿਸ਼ਤ ਪਾਉਣ ਅਤੇ ਹਿੰਦੂ ਰਾਸ਼ਟਰ ਬਣਾਉਣ ਦੇ ਆਪਣੇ ਦੇ ਲੁਕਵੇਂ ਏਜੰਡੇ ਤਹਿਤ ਲਈ ਕੇਂਦਰ ਦੀ ਆਰ ਐੱਸ ਐੱਸ ਭਾਜਪਾ ਹਕੂਮਤ ਵਲੋਂ ਮੌਜੂਦਾ ਸੰਵਿਧਾਨ ਨੂੰ ਖ਼ਤਮ ਕਰਕੇ ਮਨੂੰਵਾਦ ਲਾਗੂ ਕਰਨ ਲਈ ਫਾਸ਼ੀ ਹਮਲੇ ਵਿੱਢੇ ਜਾ ਰਹੇ ਹਨ।ਉਨ੍ਹਾਂ ਲੋਕ ਵਿਰੋਧੀ ਨੀਤੀਆਂ ਅਤੇ ਫਾਸ਼ੀਵਾਦ ਨੂੰ ਹਰਾਉਣ, ਖ਼ਤਮ ਕਰਨ ਦਾ ਪ੍ਰਣ ਕਰਨ ਲਈ 26 ਸਤੰਬਰ ਨੂੰ ਦਾਣਾ ਮੰਡੀ ਮੋਗਾ ਵਿਖੇ ਕੀਤੀ ਜਾ ਰਹੀ ਵਿਸ਼ਾਲ ਰੈਲੀ ਚ ਪਰਿਵਾਰਾਂ ਸਮੇਤ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ।ਇਸ ਮੌਕੇ ਪੇਂਡੂ ਮਜ਼ਦੂਰ ਯੂਨੀਅਨ ਪੰਜਾਬ ਦੇ ਤਹਿਸੀਲ ਆਗੂ ਕੇ ਐੱਸ ਅਟਵਾਲ, ਗੋਬਿੰਦਾ, ਲਵਪ੍ਰੀਤ, ਸੁਰਜੀਤ ਭੁੱਲਰ ਅਤੇ ਗੁਰਦੇਵ ਸਿੰਘ ਆਦਿ ਨੇ ਵੀ ਸੰਬੋਧਨ ਕੀਤਾ।*ਕੈਪਸਨ:ਜਾਗੋ ਕੱਢਣ ਮੌਕੇ ਇਕੱਠੇ ਹੋਏ ਕਿਰਤੀ ਲੋਕ।*ਜਾਰੀ ਕਰਤਾ,
ਕਸ਼ਮੀਰ ਸਿੰਘ ਘੁੱਗਸ਼ੋਰ,
8968684311