ਪੰਜਾਬ ਵਿੱਚ ਅਧਿਆਪਕ ਵਲੌ ਵਿਦਿਆਰਥਣ ਨਾਲ ਬਲਾਤਕਾਰ ਕੀਤਾ ਗਿਆ ਪੜੋ ਪੂਰੀ ਖ਼ਬਰ

31/ਜੁਲਾਈ, ਡੀਡੀ ਨਿਊਜ਼ਪੇਪਰ। ਵਿਕਰਮਜੀਤ ਸਿੰਘ ਪੰਜਾਬ ਇਕ ਵਾਰ ਫਿਰ ਸ਼ਰਮਸਾਰ ਹੋਇਆ ਹੈ। ਦਰਅਸਲ, ਇੱਕ ਕਲਯੁਗੀ ਅਧਿਆਪਕ ਵਲੋਂ 12 ਸਾਲਾ ਵਿਦਿਆਰਥਣ ਨਾਲ ਬਲਾਤਕਾਰ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬਟਾਲਾ ਦੇ ਅਲੀਵਾਲ ਰੋੜ ਤੇ ਸਥਿਤ ਅੰਗਰੇਜ਼ੀ ਮੀਡੀਅਮ ਦੇ ਇੱਕ ਨਿੱਜੀ ਸਕੂਲ ਦੇ ਅਧਿਆਪਕ ਵੱਲੋਂ ਸਕੂਲ ਦੀ ਇੱਕ ਮਾਸੂਮ ਬੱਚੀ ਨਾਲ ਬਲਾਤਕਾਰ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਇਸ ਸਕੂਲ ਵਿੱਚ ਪੜ੍ਹਦੀ ਇੱਕ ਨਾਬਾਲਗ ਲੜਕੀ, ਜਿਸ ਦੀ ਉਮਰ ਕਰੀਬ 12 ਸਾਲ ਹੈ ਅਤੇ ਉਹ ਸਕੂਲ ਦੇ ਹੋਸਟਲ ਵਿੱਚ ਹੀ ਰਹਿੰਦੀ ਹੈ ਜਿਸ ਨਾਲ ਸਕੂਲ਼ ਦੇ ਅਧਿਆਪਕ ਵਲੋਂ ਕਥਿਤ ਬਲਾਤਕਾਰ ਕੀਤਾ ਗਿਆ।ਜਾਣਕਾਰੀ ਅਨੁਸਾਰ ਅਧਿਆਪਕ ਵੱਲੋਂ ਇਸ ਹੈਵਾਨੀਅਤ ਭਰੀ ਕਰਤੂਤ ਨੂੰ ਦੁਪਹਿਰ ਸਾਡੇ 12:30 ਵਜੇ ਦੇ ਕਰੀਬ ਸਕੂਲ ਦੇ ਹੋਸਟਲ ਵਿੱਚ ਹੀ ਸ਼ਨੀਵਾਰ ਨੂੰ ਅੰਜਾਮ ਦਿੱਤਾ ਗਿਆ, ਜਦੋਂ ਲੜਕੀ ਤਬੀਅਤ ਖਰਾਬ ਹੋਣ ਕਾਰਨ ਦਵਾਈ ਖਾ ਕੇ ਆਪਣੇ ਬੈਡ ਤੇ ਸੌਂ ਰਹੀ ਸੀ।

ਜਦੋਂ ਉਸਦੀ ਨੀਂਦ ਖੁੱਲੀ ਤਾਂ ਉਸਨੇ ਆਪਣੇ ਕਮਰੇ ਵਿੱਚ ਇਸ ਅਧਿਆਪਕ ਨੂੰ ਵੇਖਿਆ ਅਤੇ ਆਪਣੇ ਸਰੀਰ ਵਿੱਚ ਦਰਦ ਮਹਿਸੂਸ ਕੀਤੀ ਅਤੇ ਹੋਸਟਲ ਦੀ ਵਾਰਡਨ ਨੂੰ ਦੱਸਿਆ, ਜੋ ਲੜਕੀ ਨੂੰ ਇੱਕ ਨਿੱਜੀ ਡਾਕਟਰ ਪਾਸ ਲੈਕੇ ਗਈ, ਜਿੱਥੇ ਇਹ ਬਲਾਤਕਾਰ ਦੀ ਪੁਸ਼ਟੀ ਹੋਈ ਹੈ।ਲੜਕੀ ਦਾ ਪਿਤਾ ਇੱਕ ਦਿਹਾੜੀਦਾਰ ਮਜ਼ਦੂਰ ਹੈ। ਲੜਕੀ ਦਾ ਮੈਡੀਕਲ ਕਰਵਾਉਣ ਮਗਰੋਂ ਬਟਾਲਾ ਪੁਲਿਸ ਨੇ ਬਲਾਤਕਾਰ ਦਾ ਮਾਮਲਾ ਦਰਜ ਕਰ ਲਿਆ ਹੈ। ਕਥਿਤ ਬਲਾਤਕਾਰੀ ਅਧਿਆਪਕ ਦੀ ਗ੍ਰਿਫਤਾਰੀ ਫਿਲਹਾਲ ਨਹੀਂ ਹੋ ਪਾਈ ਹੈ।